Kuna Mungu wa Soka": Kocha wa Brighton baada ya kulipa kisasi kwa Man United

Kocha wa Brighton Roberto De Zerbi amedai kuwa kuna "Mungu wa soka" baada ya kupambana hadi sekunde ya mwisho na kupata ushindi muhimu dhidi ya Manchester United.

Kocha wa Brighton Roberto De Zerbi (kulia) na mwenzake wa Manchester United Erik ten Hag. Picha: Robin Jones. Chanzo: Getty Images

De Zerbi alishangaa Jumapili iliyopita timu yake ilipotemwa nje ya kombe la FA kwa kupoteza nusu fainali kwa penalti dhidi ya United ugani Wembley na kusema hawakufaa kubanduliwa.

"Kwa kawaida katika penalti, mshindi huwa yule ambaye hata hastahili," De Zerbi alisema alipopoteza nusu fainali hiyo.

Kwa usaidizi wa refa msaidizi wa video (VAR), refa Andre Marriner aliwapa Brighton penalti katika dakika ya tisa ya majeruhi baada ya Luke Shaw kunawa mpira kwenye kisanduku.

Kiungo wa Argentina Alexis MAc Allister alifunga penalti hiyo na kupiga jeki azma ya Brighton ya kufuzu kwa mashindano ya bara Ulaya na De Zerbi kuelezea furaha yake.

"Kuna Mungu wa soka kwa sababu tulistahili kushinda nusu fainali. Katika mechi zote mbili, ninadhani tulicheza bora kuliko United. Matokeo yalituonea," De Zerbi amesema.

Kocha wa Manchester United Erik ten Hag alilalamikia hekabu dhidi ya United ambayo ilisababisha kona na Luke Shaw kuna mpira huo.

Hata hivyo kocha huyo wa zamani wa Ajax anasisitiza haja ya vijana wake kutumia nafasi zao au kubana mpinzani iwapi bao limekataa.

"Mwisho wa siku, iwapo huwezi kushinda kwa sababu umeshindwa kutumia nafasi zako, basi hufai kupoteza," alilia kocha wa Manchester United Erik ten Hag.