Kombe la NBC kuzungushwa mikoani

Wadhamini wakuu wa Ligi Kuu ya Soka Tanzania Bara NBC Premier League imeanzisha utaratibu wa kulitembeza kombe jipya la ubingwa wa ligi hiyo kwa mashabiki wake mikoani ambapo wameanza na mkoa wa Mwanza.

Ziara ya kombe hilo imewapa fursa mashabiki wa soka mkoani humo kulishuhudia kombe hilo na kupata wasaa wa kupiga nalo picha.

Shughuli ya kulishuhudia kombe hilo imeenda sambamba na fursa ya kupata huduma mbali mbali za kibenki kwa wakazi wa jiji hilo.

Kombe hilo linatarajiwa kutembezwa kwenye mikao mitano, huku utaratibu huo ukiwa ni endelevu msimu hadi msimu.