Kocha Tanzania Prisons: Tunafahamu Simba ni bora, tutaingia kwa tahadhari

Kocha wa Tanzania Prisons, Ahmad Ally amesema ataingia kwenye mchezo wa leo dhidi ya Simba SC kwa tahadhari kwani anafahamu ubora wa Simba SC.

Amesema, Simba wametoka kwenye mechi ya Kimataifa ambayo wameonesha ubora wa hari ya juu hivyo ataingia kwa tahadhari zote.

“…tumejiandaa kwa tahadhari zote, tunafahamu wana wachezaji ambao wana ubora kuanzia nyuma, katikati na hadi mbele wanaweza kukaa na mpira, wanaweza kukuadhibu muda wowote utakapopoteza umakini uwanjani,” alisema Ahmad huku akisisitiza anajua wanakutana na timu yenye wachezaji wazuri, hivyo amefanya maandalizi ya nguvu kuhakikisha anapata ushindi.

Pia straika wa timu hiyo, Samson Mbangula ametoa neno akisema anajivunia jinsi kocha wao alivyoibadilisha timu na yuko tayari kuikabili Simba kwenye Dimba la Jamhuri, Morogoro.