Kocha Taifa Stars kusaka vipaji Zanzibar

Shirikisho la Soka Visiwani Zanzibar ( ZFF) limeandaa michezo miwili (2) maalum ya mchanganyiko wa wachezaji wanaofanya vizuri kwa sasa katika Ligi kuu Soka Zanzibar ( PBZ PRIMIER LEAGUE).

Lengo la Michezo hiyo ni Kumpa nafasi kocha mkuu wa Timu ya Taifa ya Tanzania ( Taifa Stars) Adel Amrouche pamoja na Benchi lake la ufundi ambalo litakuwepo Uwanjani kwa ajili ya kuchagua wachezaji ambao watajumuishwa moja kwa moja kwenye kikosi cha Taifa Stars.

Michezo hiyo miwili itafanyika leo Alhamis Novemba 23, 2023 na Kesho Ijumaa Novemba 24 katika Uwanja wa Mau A, kuanzia saa 1:00 usiku.