Kocha Stars aanika kilichowakwamisha mbele ya Zambia

Kaimu kocha mkuu wa kikosi cha timu ya Taifa ya Tanzania Hemed Suleiman Morocco baada ya timu yake jana kulazimishwa sare ya goli 1-1 dhidi ya Zambia amesema ni umakini kidogo ulipungua kwa wachezaji wake.

Hemed ameweka wazi kuwa wana nafasi ya kusonga mbele kwenye hatua inayofuata kama wakishindi mchezo wao dhidi ya Congo DR.

"Dakika za Mwisho tukosa utulivu ndio imesababisha Zambia wafurahi kiasi fulani, nafikiri ndio mchezo, tutarudi kwenye uwanja wa mazoezi kurekebisha kile ambacho kilikuwa kinaonekana katika mechi hii".

"Naamini tukienda mbele tunaendelea. Tulikuwa na mbinu nzuri, tungekuwa makini tungemaliza mechi haraka, bado nahitaji kufanya kazi zaidi, tulicheza vizuri kipindi cha kwanza, tulitengeneza nafasi nyingi".

"Ni kitu cha faraja kwamba kila mchezaji anajituma, tuna machaguo mengi, kama alivyofanya Msuva na wengine wanapaswa wafanye hivyo hivyo, naamini mechi inayofuata tutakuwa na nguvu zaidi".

"Tuna nafasi, mpira unazungumza katika lugha moja, tukiweza kuaminiwa tunaweza kufanya kitu kikubwa vile vile kama ambavyo wengine wanafanya", Alisema Hemed Suleiman Kaimu kocha mkuu Taifa Stars.