Kocha Stars: Lazima tukubaliane na uhalisia wa wachezaji tulionao

Kocha wa Taifa Stars, Adel Amrouche amesema hajafurahishwa na kiwango cha baadhi ya wachezaji wake lakini lazima akubaliane na uhalisia kwani ndio wachezaji alionao.

Adel ameyasema hayo baada ya kumalizika kwa mchezo wa kirafiki wa Stars dhidi ya Misri.

"Ninajua kile tulichonacho...ni lazima tukubaliane na uhalisia, kuna baadhi ya wachezaji wamecheza chini ya kiwango nilichotegemea, huo ndio ukweli na sote tumeona, tunahitaji wachezaji wanaoweza kufanya kitu, nimefurahishwa na baadhi yao lakini sijafurahishwa pia na kiwango cha wengine," alisema Amrouche.