Ralph Hasenhuttl
Kocha anayeinoa Southampton, Ralph Hasenhuttl kwasasa amekalia kuti kavu kwani kibarua chake wakati wowote kinaweza kuota nyasi baada ya kupoteza michezo mitatu mfululizo ya Ligi Kuu England huku wamiliki wa klabu hiyo wameonyesha nia ya kufanya mabadiliko haraka iwezekanavyo kutokana na mwenendo mbovu wa timu. Hatima ya kocha huyo wa Kimataifa Austria kwasasa bado haileweki lakini mabosi wa wake wanataka kuangalia uwezekano wa kubadili safu ya benchi la ufundi kwa mujibu wa ripoti.
Kwa sasa mabosi wa Southampton wanamfuatilia kocha wa anayeinoa Nottingham Forest, Steve Cooper kutokana na uwezo wa kuibua kipaji na wanaamini atakuwa mbadala sahihi wa Hasenhuttl.
Aidha kwasasa Cooper anainoa Nottingham inayosuasua Ligi Kuu England lakini endapo mapendekezo hayo yatafanyiwa kazi basi huenda mabosi wakaanza mazungumzo ya kumuondoka kocha huyo wa zamani ya timu ya vijana ya England wenye umri wa miaka 19.
Hata hivyo hatima ya Cooper nayo ipo hatari kutokana mwenendo mbovu wa timu yake licha ya kupanda daraja msimu huu. Nottingham ilifanya kufuru kwenye dirisha la usajili mwaka huu, Jesse Lingard akisajiliwa lakini bado timu hiyo haijapata matokeo mazuri kwani imepokea kichapo mechi tano mfululizo.
Southampton itamenyana na Manchester City wikiendi hii huku presha ikizidi kupanda kwa kocha huyo imeelezwa hofu na mashaka ni juu ya aina ya ufundishaji ambao imeleta maswali kwa baadhi ya wachezaji wa timu hiyo.