Kocha Pamba FC aahidi makubwa Mwanza

Baada ya ushindi wa 2-0 dhidi ya Mashujaa FC kwenye dimba la Nyamagana, Kocha wa Pamba FC Yusuph Chippo amesema bado kidogo tu Mambo mazuri yanakuja Mwanza.

Pamba baada ya ushindi wa Leo wamefikisha alama 51 kwenye nafasi ya Pili kwenye msimamo wa Ligi Daraja la Kwanza ( Championship). . Akizungumza Kocha wa Pamba Chippo amesema wameweka malengo ya kushinda kila mchezo, na huu dhidi ya Mashujaa ulikuwa kwenye mpango wao licha ya kupata ugumu kidogo kupata ushindi.

"Namshukuru Mungu tumepata ushindi , mechi ilikuwa ngumu, Mashujaa walikuwa bora katikati, tulipoteza utulivu kipindi Cha kwanza, cha pili tulibadili mbinu na zilitusaidia kupata ushindi"

"Tuna vita kubwa na Kitayosce, tumepanda nafasi ya pili, tutapambana tumalize Salama mechi za mwisho, tukishinda zote hakika tutapanda Daraja" amesema Kocha huyo. . Baada ya mtanange huu, Pamba imebakiza michezo miwili ya ugenini dhidi ya Mbuni FC na African Sports ya Tanga pia kwenye dimba lake la nyumbani imesalia mitanange miwili tu msimu huu.