Kocha PSG: Mbappe ndie mchezaji Bora zaidi Duniani

Kocha wa Matajiri wa Ufaransa PSG Luis Enrique amemmwagia sifa Mshambuliaji wake raia wa Ufaransa Kylian Mbappe baada ya jana kuingoza timu hiyo mbele ya Borussia Dortmund mchezo wa Ligi ya Mabingwa Ulaya.

Katika mchezo huo ulipigwa nchini Ufaransa, wenyeji PSG waliibuka na ushindi wa mabao 2-0 huku mbappe akiweka wavuni bao la kwanza.

Akizungumza mara baada ya mchezo huo Enrique amesema;

"Kylian Mbappé ndiye mchezaji bora zaidi duniani, niamini mimi, Zaidi ya ujuzi wake wa kiufundi, kinachonivutia kwake ni ubora wake wa kibinadamu. Nina furaha sana kuwa nae ndani ya timu"