Kocha wa Manchester United, Erik Ten Hag
Kocha wa klabu ya Manchester United Erik Ten Hag amejitetea baada ya kupata suluhu nyumbani katika mchezo wa robo fainali ya kombe la Europe League uliopigwa katika dimba lao la Old Trafford.
Kocha Ten Hag ametupiwa lawama baada ya klabu yake kuongoza kwa mabao mawili kwa bila mpaka dakika ya 80 ya mchezo lakini mabao hayo kusawazishwa ndani ya dakika sita na lawama nyingi zikielekezwa kwa kocha baada ya kufanya mabadiliko mapema yaliyotafsiriwa kuigharimu timu hiyo.
Manchester United walionekana kuutawala mchezo huo kuanzia dakika ya kwanza mpaka kipindi cha kwanza kinamalizika wakiongoza kwa mabao mawili kwa bila huku wakionekana kuumiliki mchezo, Lakini kocha alifanya mabadiliko kipindi cha pili dakika ya 64 ya mchezo na kuwatoa Bruno Fernandes, Jadon Sancho, pamoja Anthony Martial jambo ambalo lilitafsiriwa kama ndio sehemu timu hiyo ilipopoteza nguvu uwanjani.
Kocha Ten Hag amejitetea juu ya mabadiliko aliyoyafanya kwa kusema alimtoa Bruno Fernandes kwakua mchezaji huyo alishapewa kadi ya njano, Lakini kwa Anthony Martial ameeleza kua mchezaji huyo ametoka kwenye majeraha hivo alihitaji kumpa dakika 60 za kucheza na sio zaidi.
Kikosi cha kocha Ten Hag kimekubali kulazimishwa sare katika dimba lao la nyumbani huku wakihitajika kucheza mchezo wa pili wiki inayofuata katika dimba la Raon Sanchez Pizjuan, Huku timu hiyo ikiwakosa Bruno Fernandes mwenye kadi mbili za njano na wachezaji wengine kama Lisandro Martinez, Luke Shaw, Raphael Varane, na Alejandro Garnacho ambao wana majeraha.