Klopp: Tunatakiwa kubadilika haraka sana

Kocha wa klabu ya Liverpool Jurgen Klopp amesema kua klabu hiyo inatakiwa kubadilika kutokana na mwenendo walio nao kwasasa katika michezo yao ambayo wamekua wakicheza.

Kocha Jurgen Klopp ameyazungumza hayo baada ya klabu ya Liverpool kupoteza mchezo wake wa ligi kuu ya Uingereza dhidi ya klabu ya Wolverhampton kwa mabao 3-0 katika dimba la Molineux. Huu unakua mchezo wa 7 kwa klabu hiyo kupoteza katika ligi msimu huu.

Liverpool imekua kwenye wakati mgumu ndani ya msimu huu kwani mpaka sasa imeshatoka kwenye makombe mawili, Huku ikiwa nafasi ya 10 kwenye msimamo wa ligi kuu ya Uingereza ikiwa ni rekodi mbaya zaidi kwa klabu hiyo kwa miaka ya karibuni.

Kocha Jurgen Klopp amezungumza punde baada ya mchezo huo kumalizika na kuzungumzia hali yao ya sasa akisema kua hawana cha kujitetea, pia yeye hawezi kuelezea, Lakini akisisitiza wanatakiwa kubadilika haraka sana kuelekea michezo inayokuja mbele yao.

Klopp pia ameomba radhi kwa mashabiki wa klabu ya Liverpool kutokana na matokeo ambayo klabu yake inayapata kwasasa, Liverpool pia inaendelea kuandamwa na majeruhi kwenye kikosi chake ikiwa inaelezwa ndio sababu kubwa ya klabu hiyo kufanya vibaya ndani ya msimu huu.