Klopp: Sipendi wanaoisema vibaya Manchester United

Jürgen Klopp, Kocha Mkuu wa Liverpool amesema kuwa hapendezwi na kauli za baadhi ya waandishi wa habari nchini Uingereza namna wanavyoisema vibaya Klabu ya Manchester United.

Man United imekuwa haina mwendelezo wa matokeo mazuri badala yake licha ya ukubwa wake lakini kwa miaka ya hivi karibuni imekuwa ikifanya vibaya kwenye mashindano yote inayoshiriki.

"Sipendi vichwa vya habari vikizungumza vibaya kuhusu United si vyema kabla hatujacheza, kwa sababu huo ndio mchezo ambao wanaweza kuweka mambo sawa. Sipendi hivyo hata kidogo. Kadiri watu wanavyozidi kusema vibaya juu yao, ndivyo wanavyozidi kuwa na nguvu."

“Siifuatilii United kwa ukaribu vya kutosha kujua tatizo hasa ni nini, lakini niliona Erik ten Hag alikuwa meneja bora wa mwezi uliopita na nikaona wao ndio timu iliyo kwenye fomu mwezi uliopita, hivyo sio mambo yote yatakuwa mabaya Kwa upande wao?," amesema Klopp.