Ligi ya Mabingwa Afrika kuanza Agosti 2023
Mechi za hatua ya awali michuano ya ligi ya mabingwa barani Afrika na kombe la Shirikisho zinatarajiwa kuanza mwezi Agosti 2023.
Kulingana na ratiba ya awali iliyotolewa na Shirikisho la soka barani Afrika (CAF), mechi za mtoano hatua ya awali zitapigwa 18-19 August 2023 na marudiano kupigwa 25-26 August 2023.
Timu zitakazovuka hatua ya awali, zitacheza mechi za raundi ya kwanza 15-16 Septemba 2023 na mechi za marudiano kupigwa 29-30 Septemba 2023 Droo ya hatua ya makundi itafanyika mwezi Novemba wakati mechi za hatua hiyo zikitarajiwa kuanza mwezi Disemba 2023.
Yanga itaanzia hatua ya awali kama msimu uliopita lakini wakati huu haitakuwa 'under-dog' baada ya kupanda katika viwango vya ubora CAF mpaka nafasi ya 18 Wananchi wanatarajiwa kuanzia ugenini na kumalizia nyumba kwenye mechi za hatua ya awali na hata raundi ya kwanza kama watafanikiwa kuvuka.