Kitengo cha Digital Yanga kimekosa ubunifu

Mchambuzi wa masuala ya soka nchini, Biko Armando Scanda amesema kuwa hajafurahishwa kabisa utendaji kazi wa idara ya Digital ya Klabu ya Yanga.

Kauli hii ya Scanda inakuja baada ya Yanga kushindwa kuujaza uwanja wa Mkapa wakati wa Tamasha lao la Siku ya Mwananchi Jumamosi iliyopita huku chanzo kikitajwa kuwa ni kuzidiwa ujanja na kibegi cha Simba.

"Nasema kwa maneno mafupi sana, hiki kibegi na kudoda kwa promotion ya Yanga kosa ni la Idara yake ya Digital wao ndio walaumiwe. Kile kitendo cha kuanza kuleta ubishani rasmi kwenye page zake kuhusu jezi ipi imewahi kufika kilele cha mlima Kilimanjaro ndio kosa lao la Msingi.

"Kuwa kwenye Digital Department inatakiwa kuwa na watu wenye uwezo mkubwa wa “Social Media Psychology” bahati mbaya vijana wale hawana huu uwezo hivyo ni risk kwenda nao kwenye matukio makubwa," amesema Scanda.