Kitasa cha Zambia chatua Namungo FC

Klabu ya Namungo FC imefanikiwa kumsajili beki wa kati kutoka Nkana Red Devil FC ya Zambia, Derick Mukombozi, kwa kumpa mkataba wa mwaka mmoja.

Katibu Mkuu wa timu hiyo, Ally Mkadeba, amesema taratibu zote za usajili wa mchezaji huyo zimekamilika na wanaamini atakisaidia kikosi chao.

Mkadeba amesema mchezaji huyo amesajiliwa kwa kufuata mapendekezo ya Kocha Mkuu, Cedrick Kaze, ambaye aliridhishwa na ubora wake.

“Derick amesaini mkataba huo jana jioni, tunaamini ataleta ushindani ndani ya timu yetu kwa sababu ana uwezo mkubwa, usajili huu utaleta mafanikio katika kikosi chetu,” amesema Mkadeba.

Ameongeza anaamini katika mapumziko yaliyopatikana benchi la ufundi litaendelea kufanyia kazi mapungufu na timu itarejea ikiwa imara kuendelea kusaka alama muhimu.