Kipigo cha Man United kuna cha kujifunza katika mpira wetu

Manchester United amepoteza kwa kipigo kikubwa cha historia kutoka kwa liverpool jana jumapili cha magoli 7-0.

Ukimsikiliza Kocha wao Erik Ten Hag, yupo positive anasema watarejea vyema, Mashabiki hawapigi kelele kuwa Kocha hafai, hawasemi Viongozi wafukuzwe, hawana stori kuwa wachezaji wanapenda sana mademu na ni mabishoo, kila mtu ndani ya Manchester United amechagua kuheshimu mpira na wamekubali ni siku mbaya kazini.

Ukiwasikiliza Wachambuzi na Waandishi wote wapo kwenye eneo la kiufundi, hakuna anayeleta stori nyingine nje na mpira, kuwa labda kuna ugomvi mara kuna mpasuko au kambi shindani hawana hizo habari

Jaribu kufikiria zile 7-0 ni derby ya Kariakoo, angetajwa Mangungu, angetajwa Hersi, angetajwa mganga mara wangetajwa Marefa na TFF, hakuna mtu ambae angesimamia kwenye sababu za kiufundi.

Imagine dunia ya wenzetu kwenye mpira wa miguu, imagine Saba zingepatikana katika Dabi ya Kariakoo.

Taratibu tunajifunza misingi sahihi ya mpira wa miguu japokuwa itachukua muda wote kwenda mstari mmoja.