Kinda Azam Fc asajiliwa Marekani

Mshambuliaji kinda wa Azam FC, Cyprian Kachwele, amejiunga na timu ya Vancouver Whitecaps inayoshiriki Ligi Kuu ya Marekani (MLS).

Kachwele, aliyelelewa kwenye kituo cha Azam FC Academy kabla ya kupandishwa timu kubwa amejiunga na kikosi hicho baada ya kuanza nao majaribio.

Azam FC imemtakia kheri nyota huyo kwa kuandika; “Tunamtakia kila la kheri mshambuliaji wetu chipukizi, Cyprian Kachwele, aliyejiunga na timu yake mpya ya Vancouver Whitecaps.

"Kachwele, amelelewa kwenye kituo chetu cha Azam FC Academy kabla ya kupandishwa timu kubwa mwishoni mwa msimu uliopita na kucheza baadhi ya mechi, akifunga mabao matatu katika mechi za mashindano,“ ilisema taarifa hiyo.