Kilichowatokea Azam FC kiliwahi kuwatokea Yanga

Kama utakuwa unawazomea AZAM FC kwa kutolewa kwenye kombe la Shirikisho basi ngoja nikukumbushe kidogo.

Ipo hivi hiki ambacho kimewatokea AZAM FC basi fahamu kuwa kiliwahi kuwatokea Yanga msimu juzi.

Yanga msimu juzi wa michuano ya kimataifa walitolewa mapema kabisa dhidi ya Rivers United ya Nigeria . Ni msimu ambao Yanga ndio walikuwa wanaamini wamesajili majembe haswa.

Ulikuwa msimu wa matumaini baada ya kuwasajili kina Makambo,Bangala,Mayele,Djuma Shaban,Khalid Aucho,Djigui Diarra na Jesus Moloko.

Badala yake wakatolewa mapema,hakika iliwauma,lakini msimu uliofuata wakajitahidi wakafika fainali ya kombe la Shirikisho na wakalipa kisasi dhidi ya Rivers United.

Hivyo msimu huu pia Azam FC imefanya usajili mzuri ambao ulibeba matumaini mengi ya kutinga makundi ya kombe la Shirikisho Afrika.

Usajili wa kina FEISAL SALUM, ALLASANE DIAO,SILLAH,YANNICK BANGALA,SIDIBE na wengine,lakini wametolewa mapema,hakika inaumiza sana.

Pengine ni muda sahihi wa kujipanga kama ambavyo Yanga walijipanga baada ya kufanya usajili wa maana na wakaja kuondolewa mapema na msimu uliofuata wakafanya makubwa.

Pia kwa Azam FC nafasi wanayo ya kufanya vyema msimu ujao,kikubwa ni kuweka malengo,wachezaji kuwa na nia na Kisha mashabiki kuwaunga mkono.

AZAM FC INAWEZEKANA...