Marcelo Allende wa Mamelodi Sundowns
Marcelo Allende wa Mamelodi Sundowns ndiye mwanasoka Ghali zaidi anayecheza katika bara la Afrika.
Miamba hao wa Afrika Kusini walilipa dola za Marekani Milioni 2.9 (6.8b Tsh) kwa klabu ya Uruguay, Montevideo City Torque kwa ajili ya Mchile mwenye umri wa miaka 23.
Nyuma ya ubora wa Mamelodi Sundowns msimu huu kuna jina lake, Marcelo Ivan Allende Bravo raia wa Chile .
Ni fundi na nusu katika eneo la kiungo Mshambuliaji, bwana Mdogo ana umri wa miaka 23 tu.
Sio ufundi tu, CV yake pia imeshiba
Kabla ya kutua Mamelodi msimu huu, Allende ametokea Montevideo City inayoshiriki Ligi Kuu ya Uruguay kwa ada ya R51m sawa na Tsh. Bilioni 6.5
Aliwahi pia kupita Arsenal mwaka 2017 kwa ajili ya majaribio, lakini bahati haikuwa yake.
Ni mchezaji wa hadhi ya timu ya Taifa mwaka 2015 alikuwa ni nahodha wa kikosi cha timu ya Taifa ya Chile U17 kilichoshiriki Kombe la Dunia.
Again, Disemba 12 mwaka 2021 Allende alicheza mechi yake ya kwanza akiwa na timu ya Taifa ya Chile dhidi ya El Salvador akiwa na viungo wazoefu kama Arturo Vidal na wengine.
Kwa mujibu wa Transfer Market, Kabla ya kujiunga na Mamelodi bwana Mdogo Allende alikuwa amefunga mabao 18 na kutoa pasi 23 katika mechi 10 alizocheza kwenye maisha yake ya soka.
Nilipitia ripoti katika vyombo vya habari tofauti tofauti nchini Afrika kusini wakati wa uhamisho wake wa kutua Sundowns waliripoti kuwa kumekuwa na maswali mengi kwa wadau wa soka wa Chile kuuliza imekuwaje amekuja kucheza Afrika wakiamini ubora wake ni wa kucheza barani Ulaya.
Allende anaungana na Gaston Sirino raia wa Uruguay ambao wote hawatabiriwa kuja kucheza bara la Afrika.