Kiemba: Tunaua Vipaji, Timu zinaogopa kusajili wachezaji wa Simba na Yanga

Mchambuzi wa Soka kutoka kituocha Clouds FM, Amri Kiemba amesema vipaji vya vijana wengi wa Tanzania vinakufa mapema hasa kwa kuwa vilabu vya ndani vinaogopa kuwanunua wachezaji hasa wanaposajiliwa na Vilavu vya Simba na Yanga.

Kiemba anasema inawezekana kabisa mchezaji ana kipaji na yuko Simba au Yanga lakini anakosa nafasi kutokana na ushindani wa namba lakini wao wanaweza kumtumia wanaogopa kumsajili kwa kuogopa kutajiwa dau kubwa ama mshahara mkubwa.

Sasa hili linasababisha vijana wetu kupotea kwa vipaji vyao mfano watu kama Nkane, Ngushi, Ambundo wangeweza kucheza Klabu nyingi za Ligi kila wiki lakini hilo hiwezi kuliona labda mpaka wanapomaliza mikataba yao.