Kiemba: Kukosekana kwa Kelvin John Taifa Stars kunaibua maswali

Mchambuzi wa masuala ya soka nchini ambaye pia ni mchezaji guli wa Simba na Yanga na Timu ya Taifa ya Tanzania 'Taifa Stars', Amri Kiemba amesema kuwa kukosekana kwa kinda Kelvin John 'Mbappe' kwenye timu ya Taifa ni jambo la linaloibua maswali.

Mbappe hajaitwa kwenye kikosi kilichocheza juzi dhidi ya Sudan na kutoa sare ya bao 1-1, ambapo Kiemba amesema kuwa kinda huyo ni vyema akaendelea kuitwa kwenye timu hiyo ili kumjengea uzoefu na kujiamini zaidi ili siku za usoni aje kulisaidia Taifa.

"Kukosekana kuitwa kwa Kinda Kelvin John anayecheza KRC Genk ya Ubelgiji kuna leta maswali mengi, huyu ni kijana aliyetokea timu za vijana ilikuwa ni jambo jema kumuita timu ya Taifa.

"Kuna watu wanaitwa kila siku wanakuja kupiga picha ,wanafanya mazoezi hawachezi kabisa wanarudi na yeye si aitwe tu ,tena ni mchezaji amepita kwenye misingi ya mpira na ni miongoni mwa vizazi vya dhahabu," amesema Kiemba.

Una ushauri gani kwenye uitwaji wa kikosi cha timu ya Taita.