Nickson Clement Kibabage.
Mchambuzi wa masuala ya soka nchini, Saleh Ally 'Jembe' amesema kuwa mchezaji mpya wa Yanga, Nickson Clement Kibabage ni usajili mzuri kwa Yanga na atakuwa msaada mkubwa kwa klabu hiyo.
Jembe amesema hayo kufuatia wakati usajili ukiendelea kuelekea msimu ujao huku akiwataka Yanga kumpa muda mchezaji huyo ili aonyeshe vitu vingi alivyo navyo.
"Kibabage ni mchezaji mzuri, ana kipaji, amecheza mpaka Difaâ Hassani d'El Jadida ya Morocco, hata Kibwana Shomari hawakumwamini, walimdharau lakini mwisho wa siku amewaweka benchi mastaa kama Djuma Shabani na Joyce Lomalisa kwa nyakati tofauti.
"Kibabage ni mzuri wakati timu ikiwa inashambulia na wakati wa kukaba. Naamini utakuwa msaada mzuri kwa Yanga, tumpe heshima yake, watu waache kumdharau kwa sababu Watanzania wana tabia ya kudharau wazawa," amesema Jembe.