Keane amshukia Bruno Fernades baada ya kichapo

Roy Keane amemtaka meneja wa Manchester United Erik ten Hag kumvua unahodha Bruno Fernandes baada ya kichapo cha 3-0 hapo jana kutoka kwa wapinzani wao Manchester City

Mashetani Wekundu walizidiwa katika mechi ya Manchester derby, huku Erling Haaland akiingia kambani mara mbili na Phil Foden akiongeza la tatu na kuifanya United kushindwa kwa mara ya tano katika Ligi Kuu ya Uingereza msimu huu.

Huku kampeni ya United ikiwa mbaya zaidi, nahodha wa zamani Keane alipendekeza mabadiliko ya unahodha itakuwa hatua ya kwanza kwa Ten Hag kutatua masuala yao.

Mreno huyo alichukua unahodha msimu wa joto tu baada ya kuchukua jukumu kutoka kwa Harry Maguire, ambaye kitambaa chake kilichukuliwa kutoka kwake na Mholanzi huyo.

Lakini mshindi mara saba wa EPL Keane aliiambia Sky Sports: “Baada ya leo, jambo la kwanza ningefanya ni kumvua unahodha Fernandes. Najua ni uamuzi mkubwa, lakini sio nahodha.”

Keane aliongeza kuwa; “Nadhani yeye ni mwanasoka na mchezaji mwenye kipaji, bila shaka kuhusu hilo, lakini kile nilichokiona jana kuugua kwake, kurusha mikono yake hewani kila mara, haikubaliki. Ningemuondoa. Tunazungumza juu ya wapi wanapaswa kufanya mabadiliko, ningeanza na meneja pekee ndiye anayeweza kufanya hivyo.”

Nahodha na mchambuzi mwenzake wa zamani wa United Gary Neville vile vile alikuwa akichukia onyesho la Mashetani Wekundu lakini alisisitiza kumfukuza Ten Hag lingekuwa jambo baya.

Mashetani Wekundu watamenyana na Newcastle katika Kombe la Carabao raundi ya nne Jumatano kabla ya kusafiri kwenda Fulham Jumamosi.