Kauli ya Nabi kuhusu tatizo na Kaizer Chiefs

Aliyekuwa Kocha Mkuu wa Yanga, Nasreddine Nabi amesema kuwa hawezi kuzungumzia sababu iliyochelewesha dili lake na Kaizer Chiefs ya Afrika Kusini.

"Siwezi kutoa maelezo, kwa heshima ya Kaizer Chiefs. Sitaki kuzungumza kuhusu tatizo ni nini katika mazungumzo. Samahani kwa hilo," Kocha, Nasreddine Nabi ameiambia #SundayTimes.

Nabi aliachana na Yanga baada ya kumalizika kwa msimu uliopita akiwa ameipa timu hiyo Ubingwa wa Ligi Kuu Bara, Kombe la FA na Ngao ya Jamii, lakini akiwa ameifikisha fainali ya Kombe la Shirikisho Afrika.

Kaizer Chiefs imekuwa ikitajwa muda mrefu kuwa inamhitaji kocha huyo, jana akihojiwa na gazeti maarufu la Afrika Kusini, The South Afrika alisema mazungumzo yanaendelea na ndani ya saa 48 watakuwa wameshamalizana.

Kwa sasa Nabi yupo nchini Tunisia kulingana na vyanzo mbalimbali, wakati wakala wake yupo kwenye mazungumzo na Kaizer Chiefs kuhusu nafasi ya kocha mkuu.