Kauli ya Gamondi kwa Barcelona ni mtego kwa mashabiki, wachezaji - Mchambuzi

Mchambuzi wa masuala ya soka nchini kutoka East Africa radio, Samwel Rashid mwenyewe anajiita Wakanda Republic amesema kuwa kauli ya Kocha Mkuu wa Yanga, Miguel Gamondi kusema kuwa huogopi timu yoyote hata kama akiambiwa Yanga hii icheze na Real Madrid au Barcelona ni mtego kwa wachezaji na mashabiki zake.

Gamondi alitoa kauli hiyo jana wakati akizungumza na waandishi wa habari jijini Dar es Salaam kuelekea mchezo wao wa Ligi Kuu ya NBC leo dhidi ya Namungo FC.

"Kitendo cha Gamondi kusema kwamba hata wamletee Real Madrid au Barcelona yuko tayari kucheza nao ni kitendo fulani ambacho moja kwa moja mchezaji akikisikia anaona kwamba Mwalimu ana-confidence na sisi, mwalimu anatuamini, mwalimu analiamini jeshi lake.

"Kwa upande wa mashabiki kitendo cha yeye kusema hivyo mashabiki sasa hivi wanaamini kwamba mpinzani yoyote atakayekuja mbele ya Yanga wao wako tayari kwenda uwanjani kushangilia timu yao kwa sababu wanaamini hiyo mechi haitakuwa nyepesi kwa mpinzani," amesema Wakanda Republic.