Tusila Kisinda
Mtangazaji mkongwe nchini, Omary Katanga amesema kuwa kama Tuisila Kisinda ataondoka Yanga SC kwa upande wake anaona ni sawa na kuongezea kuwa binafsi anafurahishwa na kitu kimoja tu mbio zake.
Katanga ameyasema hayo kwenye mahojiano yake na Valor TV ”Binafsi kama Tuisila Kisinda ataondoka Yanga SC mimi naona ni sawa, binafsi ananifurahisha kitu kimoja tu mbio zake, akiamua kuweka ‘battle’ akikimbizana na mpira lazima upige makofi na umshangilie.”
Katanga ameongeza; ”Lakini akikimbia na mpira mwishoni anakwenda kufanya nini ?, haangali napiga wapi, yeye macho yake kwenye mpira anapiga na unapotea, kwa stahili hiyo sisi watu wa mpira tunasema anawakaba wenzake. Badala timu kupata mafanikio yeye anairudisha nyuma.”
”Hivyo nikisikia Tuisila anaondoka Yanga SC mimi nitafurahi, nitamisi tu mbio zake kusema kweli,” amesema Omary Katanga.
Winga huyo wa kimataifa wa Jamhuri ya Kidemokrasia ya Kongo (DRC), ‘TK Master’ aliondoka Young Africans na kujiunga na klabu ya RS Berkane ya Morocco kabla ya kurejea tena Jangwani.