Kapombe: Tunataka kushinda magoli mengi kesho

Beki mwenye uzoefu wa kutosha Simba SC, Shomari Kapombe, ametamka kwamba, wanafahamu kwamba wanakwenda kukutana na timu kubwa Afrika kesho kwenye mchezo wa Klabu Bingwa Afrika lakini na wao wamejiandaa kuweza kupata ushindi mnono.

Kapombe ameyasema hayo leo Aprili 21, 2023 kwenye mkutano wa waandishi wa habari ambapo alikuwa akieleza jinsi walivyojiandaa kuelekea mchezo huo wa Robo Fainali dhidi ya Wydad Casablanca utaochezwa kwenye uwanja wa Benjamini Mkapa jijini Dar.

"Tunafahamu kwamba ni mabingwa watetezi, tunafahamu wana wachezaji wenye thamani kubwa lakini sisi tutakwenda kwa kuwaheshimu lakini pia tukionesha kile tulichonacho ili kuweza kupata matokeo ya magoli mengi na kujiweka kwenye nafasi nzuri," alisema Kapombe.

Mbungi hiyo itakwenda kupigwa majira ya saa 10 jioni hapo kesho.