Kane atumia mchoro wa Beckham kutua Man U

Harry Kane anatazamiwa kuendelea kufuata nyayo za David Beckham kama msimu ujao atafanikiwa kujiunga na Manchester United.

Kama Kane atakwenda United itakuwa amefanya kama ambavyo supastaa wa zamani wa United, David Beckham alifanya.

Wote wawili walisoma shule moja, Chingford Foundation, walichezea timu moja kipindi cha utoto ingawa ni kwa vipindi tofauti huko Ridgeway Rovers.

Beckham alicheza United na sasa Kane anakaribia kufanya hivyo. Kane kwa sasa ni nahodha wa Timu ya Taifa England, wakati Beckham aliwahi kuwa pia nahodha wa England.

Kane anatarajiwa kuondoka Tottenham kwenda United kwa mkataba wa thamani ya pauni milioni 80.

Erik ten Hag amemfanya Kane kuwa chaguo lake la kwanza kwenye uhamisho wa majira ya joto na inasemekana mshambuliaji huyo yuko tayari kuhamia Old Trafford.