Kamusoko Aipa Mbinu Simba

Kiungo wazamani wa Yanga, Thaban Kamusoko ameishauri timu ya Simba kutoichukulia poa Red Arrows katika mchezo wake wa Kombe la Shirikisho Afrika utakaopigwa leo Jumapili Uwanja wa Benjamin Mkapa saa 10 jioni.

Kamusoko ambaye kwa sasa anakipiga Zesco United amesema Arrows sio timu kubwa lakini inacheza kitimu na haina staa kwenye kikosi chao kwahiyo Simba inapaswa kuchukua tahadhari.

"Red Arrows sio timu kubwa na haina historia kubwa ipo daraja la kati lakini inacheza kitimu, haina staa wachezaji wote wanajituma kwahiyo Simba inapaswa kuchukua tahadhari. Lakini kwa ukubwa wa Simba na uzoefu kwenye mashindano haya nawapa nafasi zaidi," amesema Kamusoko.