Kambi ya Yanga ni Avic Town kama kawa

Wakati watani wao wa jadi wakitangaza kuweka kambi nchini Uturuki kwa ajili ya msimu ujao, Yanga SC wao watasalia jijini Dar kulekule Kigamboni kwa ajili ya kuweka kambi yao.

Yanga kupitia kwa Afisa Habari wao, Ally Kamwe, wamesema mara baada ya kikosi chao kurejea nchini kutokea nchini Malawi walikoalikwa, wachezaji wote wataelekea Avic Town Kigamboni kujiandaa na msimu mpya wa 2023-24.

"Hatutaki kupoteza muda kwani unaweza kwenda nje halafu ukajikuta unatumia muda mwingi kwa safari na si kujiandaa," alisema Ally.