Kikosi cha KMC
Wakusanya ushuru wa Manispaa ya Kinondoni klabu ya KMC, wapo mjini baada ya kutokea kule Mkoani Tanga walipokwenda kucheza na wenyeji Costal Union na kuambulia pointi 1 katika sare iliyoisha bila kufungana.
Kabla ya mchezo dhidi ya Coastal, KMC walipokea kichapo kutoka kwa Polisi Tanzania cha magoli 2-0 katika mechi yao ya kwanza ya ligi msimu wa 2021/2022.
Akizungumza mara baada ya kurejea Jijini Dar, Afisa habari wa KMC, Christina Mwagala amesema
"Hatukuanza vyema ligi, tumepoteza mchezo mmoja na kusuluhu mmoja, na tunajipanga kwa ajili ya mchezo wetu ujao"
"Oktoba 19 tunacheza na Yanga, na tunatarajia kuanza kuwapa lile pira kodi pira biriani yani kwa kifupi tunakuja na "full package", mashabiki wetu wajiandae" amesema Mwagala
KMC imetoka suluhu na Costal Union katika uwanja wa Mkwakwani Tanga, na mpaka sasa wameshacheza michezo miwili.