KMC vs Mtibwa ni vita leo

Ligi Kuu ya Soka Tanzania Bara inarejea leo Ijumaa, Januari 13, 2023 kwa mchezo mmoja wa mzunguko wa 20 kufanyika mkoani Morogoro.

KMC itakuwa mgeni wa Mtibwa Sugar kwenye uwanja wa Manungu Complex uliopo Turiani. Mtibwa inashika nafasi ya 8 katika msimamo wa ligi ikiwa na pointi 24 baada ya michezo 19 wakati KMC ipo nafasi ya 9 ikiwa na pointi 22.

Katika mchezo wa kwanza kati ya timu hizo uliopigwa uwanja wa Uhuru, Dar es Salaam Oktoba 15, 2022, KMC iliifunga Mtibwa Sugar mabao 2-1.

Ligi Kuu Tanzania Bara ilisimama kupisha michuano ya Kombe la Mapinduzi inayofikia kilele leo kwa mchezo fainali kati ya Singida Big Stars na Mlandege kwenye uwanja wa Amaan, Zanzibar.