KMC leo akitoboa, Azam anashuka

Mchezo kati ya KMC FC dhidi ya Tanzania Prisons ni mechi inayozikutanisha timu mbili ambazo zipo kwenye maeneo mawili tofauti kwenye msimamo wa Ligi ya NBC. KMC ipo nafasi ya nne, Tanzania Prisons ipo nafasi ya 14.

Katika michezo sita ambazo KMC imecheza, imeshinda tatu, imetoka sare michezo miwili na kupoteza mmoja. Imekusanya alama 11 zinazoifanya ikae top four kwenye msimamo.

Endapo KMC itapata ushindi dhidi ya Tanzania Prisons itafikisha alama 14 na kupanda hadi nafasi ya tatu juu ya Azam FC ambayo itacheza na Namungo FC kuanzia saa 2:30 usiku. Matokeo ya Azam vs Namungo yataamua nafasi ya KMC.

Tanzania Prisons pia imecheza michezo sita, imeshinda mchezo mmoja, iketoka sare michezo miwili na kupoteza michezo mitatu. Ina alama tano, ipo nafasi ya 14 kwenye msimamo.

Wajelajela wanahitaji alama tatu ili wafikishe alama nane ambazo zitawatoa kwenye eneo la kucheza play offs ambako wapo kwa sasa.

Leo ni Sexy Football ya KMC vs Pira Gwaride la Tanzania Prisons!