KMC hali mbaya, uongozi maswali kibao

Mwendo wa KMC FC umekuwa wa kusuasua sana msimu huu! Baada ya jana kupoteza kwa 3-1 kutoka kwa Namungo wakiwa kwenye uwanja wao wa nyumbani, umekuwa ni mchezo wao wa nne (4) mfululizo bila ushindi.

Katika mechi nne (4) zilizopita, wamepoza tatu (3) na kutoka sare mechi moja (1). Wameambulia alama moja (1) tu, kati ya alama 12 walizokuwa wanazipigania!

KMC imeshinda mechi mbili (2) tu katika mechi 13 zilizopoita. Matokeo mazuri kwa KMC kwenye mechi za hivi karibuni ni ushindi kwenye mechi mbili mfululizo [KMC 1-0 Coastal Union na KMC 2-0 Polisi Tanzania].

Jana baada ya kupoteza 3-1 dhidi ya Namungo FC, Kocha wa KMC FC Thierry Hitimana alisema, tumu yake ilicheza vibaya sana. Mpira ulikataa.

Akaongeza kwa kusema, wakati mwingine hata unakosa sababu ya kusema ila itoshe kusema haikuwa siku nzuri kwao kazini.

KMC ipo nafasi ya 10 ikiwa na alama 23 kwenye msimamo wa Ligi, imecheza mechi 21 imeshinda mechi tano (5), imepoteza mechi nane (8) na kupoteza mechi nane (8).