Juventus wakomaa na Pogba

Ofisa Mkuu wa soka katika klabu ya Juventus Francesco Calvo amekanusha tetesi za kuwa upo mpango wa kuvunja mkataba na Paul Pogba.

Tangu ahamie kwenye klabu hiyo mwaka jana, Pogba hajawahi kucheza mechi kutokana na jeraha la goti.

"Hatuna mpango huo, Paul ni mchezaji muhimu sana, majeraha ni sehemu ya mchezo, kwa sasa anaendelea vizuri na mazoezi na tunamsubiri."

Hivi karibuni kumekuwa na ripoti na uzushi unaosambaa kwa kasi sana juu ya mustakabali wa Pogba ndani ya Juventus.