Joan Laporta akomaa na Dembele

Joan Laporta ametuma ujumbe kwa Ousmane Dembélé huku kukiwa na kukwama kwa mazungumzo ya kandarasi.

Ousmane atamaliza mkataba wake na Barca msimu ujao wa joto, na jinsi mambo yalivyo, anaweza kuondoka klabuni hapo bure.

Barca wamedhamiria kukwepa suala la kuondoka bure, wana nia ya kumsainisha winga huyo kwa mkataba mpya mapema zaidi.

Lakini mazungumzo hayajaenda vizuri huku ripoti zikipendekeza kwamba, kwa jinsi mambo yalivyo, Dembélé ataondoka kweli msimu ujao wa joto.

Barca hawawezi kutoa mishahara ambao nyota huyu anahitaji kwa sababu ya shida ya kifedha waliyonayo, lakini wakati huo huo, Laporta na mkufunzi mkuu Xavi Hernandez wanapendekeza Mfaransa kuwa ni sehemu muhimu ya mustakabali wa kilabu.

Laporta ametuma ujumbe kwa Dembélé wakati mazungumzo ya kandarasi yakiendelea kuzorota.

“Dembélé ni mchezaji muhimu sana, anaweza kutoa mengi zaidi kwa Barcelona kuliko alivyotoa. Ikiwa ataendelea na sisi, anaweza kufikia kuwa mchezaji wa kumbukumbu.”

Staa huyu ametua Barca mwaka 2017 akitokea Borussia Dortmund aliponunuliwa kwa Euro milioni 130. Akiwa na miaka 24, bado kuna imani kwamba anaweza kufikia mafanikio makubwa akiwa Camp Nou.