Jeraha la De Bruyne lazusha hofu Man City

Kiungo fundi wa Manchester City, Kevin De Bruyne atakosa mechi za mwanzo za Ligi Kuu England msimu ujao kutokana na maumivu ya misuli ya paja yanayomsumbua.

Nyota huyo aliondolewa kipindi cha kwanza kwenye mechi ya fainali ya Ligi ya Mabingwa Ulaya Msimu uliopita dhidi ya Inter Milan ambayo hata hivyo chama lake lilifanikiwa kubeba ubingwa kufuatia ushindi wa bao 1-0.

Kinachoonekana kwa sasa ni kwamba majeraha hayo yalikuwa siriazi na atachelewa kuripoti kambini kwa muda uliopangwa hadi atakapokuwa fiti.

KDB anatarajiwa kukosa mechi ya Ngao ya Jamii dhidi ya Arsenal vilevile mechi ya Ligi dhidi ya Burnley.

Madaktari wa Man city wanaamini anaweza kurejea kwenye mechi ya Super Cup dhidi ya Sevilla.