Jay Z kwenye mpango wa kuinunua Tottenham

Rapa na mfanyabiashara huyo wa Marekani inadaiwa kuwa anaweza kuinunua klabu hiyo ya England kwa Pauni Bilioni 2.2 (Tsh. Trilioni 6.9) ikiwa mmiliki wa sasa Joe Lewis atataka kuiuza.

Lewis (86) anakabiliwa na masuala ya kisheria kuhusu biashara zake na alifikishwa Mahakamani Julai 26, 2023 kisha kuachiwa kwa dhamana ya Dola Milioni 300 (Tsh. Bilioni 945).

Hivyo, inaelezwa kuwa Jay-Z (53) anafuatilia kwa ukaribu mchakato huo ili ikitokea Tottenham imewekwa sokoni ainunue.

Taarifa hizo zimekuja baada ya Beyonce ambaye ni mke wa Jay Z kutumbuiza mara kwa mara kwenye Uwanja wa Tottenham.