Janza alivyoondoka Namungo imeshuka

Jana Namungo FC chini Kocha mpya Cedric Kaze ilipoteza kwa kufungwa 1-0 na JKT Tanzania ambayo imerejea Ligi Kuu ikitokea Championship.

Namungo FC tayari imejipambanua ni miongoni mwa timu ambazo zinashindana kwenye Ligi. Ujio wa Kocha mpya unakuja na mabadiliko mengi.

Wakati yupo Janza alianza vizuri kwa matokeo ya ushindi lakini baadae alipewa jukumu la kuifundisha Taifa Stars kama mwalimu wa muda.

Baada ya Janza kutoka Namungo, timu ilianza kuyumba lakini badae akapewa Denis Kitambi, akaingia na utaratibu wake akawapa nafasi wachezaji ambao walikuwa hawatumiki waliokuwa wanatumika wakapoteza nafasi.

Sasa hivi timu ipo chini ya Kaze na yeye anahisi kuna aina ya wachezaji ambao wanaweza kuwatumia kulingana na utaratibu anaoona unafaa.

Wakati mwingine kupata kwa mara moja inaweza kuwa ngumu na ligi tayari imeanza, kinachotakiwa kuangalia namna gani wanaweza kurudi kwenye ramani vinginevyo inaweza kuwachukua muda mrefu kurudi kushindana.