Inter wathibitisha Man United kumtaka Onana

Mtendaji mkuu wa Inter Milan, Beppe Marotta amethibitisha Manchester United imeanzisha nao mazungumzo na inahitaji kuipata huduma ya kipa huyo wa kimataifa wa Cameroon Andre Onana, 27.

Onana anatajwa kuwa mmoja ya makipa wanaotazamwa na Man United kama mbadala wa David de Gea ambaye mkataba wake umemalizika ijumaa ya wiki iliyopita.

Kipa huyu ambaye ameonyesha kiwango bora kwa msimu uliopita akiwa na Inter Milan, mkataba wake wa sasa unatarajiwa kumalizika mwaka 2027.

Inaelezwa Inter inahitaji walau Pauni 40 milioni ili kumuuza. Mbali ya Man United pia anawindwa sana na Chelsea ambayo inamtaka akawe mbadala wa Eduardo Mendy.