Ihefu yashusha fundi Mcameroon

Klabu ya Ihefu imekamilisha usajili wa mshambuliaji Mcameroon, Moubarack Amza na kumpatia mkataba wa miaka miwili.

Nyota huyo amejiunga na kikosi hicho baada ya mkataba wake na Coastal Union kufikia tamati hivyo amejiunga akiwa huru.

Amza aliyefunga mabao saba ya Ligi Kuu Bara msimu ulioisha anaenda kuchukua nafasi ya washambuliaji Adam Adam aliyesajiliwa Mashujaa na mfungaji bora wa Kombe la Shirikisho la Azam (ASFC) Andrew Simchimba aliyetua KMC.