Clement Mize akiwa na wachezaji wenzake wa Taifa Stars
Pengine Clement Mzize (Walid Mzize) ndiye mchezaji mdogo zaidi nchini aliyepata mafanikio makubwa ndani ya mwaka mmoja.
Alicheza kwa mara ya kwanza kwenye kikosi cha Yanga akitokea timu ya vijana na akafika fainali ya kombe la shirikisho Barani Afrika.
Mzize ameitwa kwa mara ya kwanza Timu ya Taifa ya Tanzania ya wakubwa na ameanza katika mchezo muhimu ambao timu inahitaji matokeo licha ya kutomaliza dakika zote lakini ameisaidia timu kufuzu AFCON 2024 kule Ivory Coast.
Taifa lina uhaba mkubwa wa washambuliaji wa kati pengine kwa aina ya kiwango anachozidi kukionyesha huenda akapata nafasi zaidi ya kucheza kwenye kikosi cha Stars.
Kijana kutoka mkoani Iringa na bahati ya kuipeleka Tanzania katika Afcon mara ya 3.
Kwa bahati hii aliyonayo usishangae Taifa Stars ikafika fainali ya AFCON 2024 kule Ivory Coast.