Huyu ndio Rais mpya Shirikisho la Soka Zanzibar

Wajumbe wa Mkutano Mkuu wa Shirikisho la soka Zanzibar (ZFF) wamemchagua Ndg. Suleiman Mahmoud Jabir kuwa Rais wa Shirikisho hilo kwa kipindi Cha miaka minne ijayo.

Rais huyo mpya wa ZFF amepata jumla ya Kura 16 ambazo ni sawa na asilimia 51% ya kura zote 31 zilizopigwa na Wajumbe ikiwa ni tofauti ya kura moja na Kamal Abdul Satar Haji aliyepata kura 15 sawa na Asilimia 49% huku Juma Hassan Thabit akiambulia patupu.

Abdullatif Ally Yassin aliyekuwa akitetea nafasi yake ya urais, jina lake liliondolewa mapema tu katika zoezi la usaili kwa wagombea, ikielezwa sababu kubwa ni kushindwa kuliongoza shirikisho hilo ipasavyo.