Hoteli ya Ronaldo yakamilika Morocco

Hoteli ya kifahari ya mwanasoka Mreno Cristiano Ronaldo iliyoko Marrakech, Morocco, imeanza kuwakaribisha wageni, kwa mujibu wa chombo cha habari cha Uhispania Europa Press.

Hoteli ya kifahari ina vyumba 174 vyenye ukubwa 42 m² nafasi ya biashara, kituo cha biashara chenye 4,500 m2, na kliniki ya kifahari. Hoteli ya Pestana CR7 imejengwa katikati mwa Bustani ya Hay Menara kwa gharama ya ($47 milioni) sawa Tsh 109,616,455,000

Hoteli mpya za Pestana CR7 Lifestyle zinalenga kizazi cha vijana ambao wanatafuta mahali pa amani kwa kazi na kucheza.

Hoteli ya Marrakech Pestana CR7 Lifestyle iko kilomita tano kutoka uwanja wa ndege wa Marrakech Menara. Hoteli iko karibu na kituo cha mikutano cha Palais des Congrès, Bustani ya Menara na medina ya jiji.



Kwa kuwa iko katika mtaa wa hali ya juu na wa mtindo, hoteli hiyo huwatoza wageni wake ada ya kukaa kila usiku. Gazeti la The Sun liliripoti kuwa vyumba vinagharimu kutoka £158 hadi £372 kwa usiku kwa fedha za kitanzania ni kwamba kulala kwa siku ni kuanzia Tsh 463, 489 hadi Tsh 871,151.

Uzinduzi wa Hoteli ya Pestana CR7 Lifestyle ulipangwa kufanyika 2020, lakini uliahirishwa mara kadhaa kutokana na janga la COVID-19.

Kundi la Hoteli ya Pestana na mshambuliaji huyo wa Ureno wana hoteli tano, huko Times Square (New York, Marekani), Gran Via (Madrid), Lisbon (Ureno), Funchal (Madeira, Ureno), na Marrakech (Morocco). Uendelezaji wa Hoteli za Pestana CR7 Lifestyle unatarajia kuendelea kuenea katika nchi nyingine.

Nahodha wa timu ya taifa ya soka ya Ureno, imelezwa kuwa anamiliki asilimia 50 ya hoteli zote za Pestana CR7 kulingana na taarifa za Forbes.

Mnamo 1965, Manuel Pestana alianzisha Hoteli na Resorts za Pestana baada ya kununua hoteli ya Atlantico huko Funchal katika visiwa vya Madeira nchini Ureno hivyo waliungana na Ronaldo na kutengeneza jina la Pestana CR7.

Hoteli ya Cristiano Ronaldo ya Pestana CR7 iliyoko Marrakech, Morocco imeteuliwa kuwania Tuzo ya Hoteli Mpya inayoongoza Afrika 2022, kulingana na gazeti la Sun.

Tuzo hiyo ya kifahari itakuwa sehemu ya tuzo za World Travel Awards 2022. Hoteli hiyo iliyozinduliwa Machi mwaka huu, ni ya tano kuanzishwa kwa jina la chapa Pestana CR7.

Cristiano Ronaldo tayari anamiliki hoteli zilizofanikiwa na za kifahari huko Lisbon, Madrid, New York na kisiwa cha nyumbani cha Madeira na sehemu zingine.