KMC wanaikaribisha Ruvu jioni ya leo
Kocha mkuu wa KMC, Thiery Hitimana amefanya mabadiliko ya mchezaji mmoja katika mchezo wao wa leo dhidi ya Ruvu Shooting.
KMC inashuka dimbani saa 10:00 jioni mchezo utakaochezwa katika uwanja wa Uhuru, Dar es Saalam.
Katika mchezo huu, Hitimana ameanzisha kikosi kile kile kilichotoka sare na 1-1 dhidi ya Namungo kwenye mchezo uliopita kasoro Awesu Awesu ambaye nafasi yake imechukuliwa na Daruesh Seif.
Kikosi kinachoanza ni David Mapigano, Kelvin Kijiri, Hance Masoud, Ibrahim Ame, Andrew Vicent ‘Dante’, Baraka Majogoro, George Makang’a na Nzigamasabo Steve.
Wengine ni Emmanuel Mvuyekur, Matheo Simon na Daruesh Seif.
Mchezo huu unatarajiwa kuwa mkali baada ya Ruvu Shooting kupoteza kwenye mechi iliyopita dhidi ya Yanga wakikubali kipigo cha 3-1, huku KMC ikitoka sare 1-1.
KMC inashika nafasi 10 ikiwa na pointi sita huku upande wa Ruvu Shooting ikishika nafasi ya tano ikiwa na pointi tisa.