Lamine Yamal akishangilia bao lake.
Hispania imefanikiwa kuitungua kipigo 'hevi' timu ya Taifa ya Georgia baada ya kuifunga bao 7-1, mchezo wa kufuzu fainali za Kombe la Mataifa ya Ulaya (Euro) uliopigwa nchini Georgia jana usiku.
Mabao ya Hispania yalifungwa na Alvaro Morata dakika ya 22, 40 na 65, Kvirkvelia kwa bao la kujofunga dakika ya 27, Olmo dakika ya 38, Williams dakika ya 68 na Lamine Yamal dakika ya 74.
Bao la kufutia machozi la Georgia lilifungwa na Chakvetadze dakika 49 ya mchezo huo.
Kwenye rekodi;
Mwaka 2020: Ansu Fati alikuwa mchezaji mdogo zaidi kufunga Kwenye Timu ya Taifa ya Hispania na alifanya hivyo akiwa na umri wa miaka 17 na siku 311.
Mwaka 2022: Rekodi ya Ansu Fati ilivunjwa na Gavi ambaye alifunga bao akiwa na umri wa miaka 17 na siku 304.
Mwaka 2023: Rekodi ya Gavi imevunjwa na Bwanamdogo Lamine Yamal ambaye kafunga bao kwenye uzi wa Hispania akiwa na umri wa miaka 16 na siku 57.