Hiki ndicho atakachofanya Messi baada ya kustaafu Soka

Mshambuliaji nyota wa Inter Miami, Lionel Messi, anaonekana bado hajafanya maamuzi kama yuko tayari kujihusisha na kazi ya ukocha ama la pale maisha yake ya uchezaji yatakapotamatika.

Messi anatimiza umri wa miaka 37 Juni 24 na tayari ameshaweka wazi kuwa timu ya MLS itakuwa ya mwisho kuichezea.

Mshindi huyo mara nane wa Ballon d’Or hata hivyo amedhamiria kubaki kwenye soka.

Alipoulizwa na ESPN Argentina, kama anajiona akifanya kazi ya ukocha siku za mbeleni, Messi alijibu: "Siku zote nilisema kwamba sijioni kama kocha, na nisingependa kuwa”

"Lakini kwenye maisha ya mpira kuna vitu vinabadilika, huwezi kujua.....ila bado naona ugumu”

“Lakini nitafanya kitu kinachohusiana na soka kwa sababu ni maisha yangu na kwa sababu naipenda sana soka.”