Heshima ya Chama, kipaji cha Pacome

Kuna kundi la watu wenye utapiamlo wa kiakili watu ambao kila kukicha wanasaga mawe wanapiga zumari wanapiga filimbi kutaka kuipoka heshima ya Clotus Chota Chama kwasababu ya kipaji kikubwa kilicholala kwenye miguu ya Pacome.

Wanajaribu kutumia mtambo wa gongo kupima heshima ya Chama wakati akili zao zikiwa zimeviringishwa na sigara bwege, mtanange, ulanzi, Skadi, chimpumu. Hawa watu hawataki kabisa kusikia heshima ya Chama eti ina uzito mkubwa kuliko kipaji cha Pacome.

Hawa watu wenye utapiamlo wa kiakili waliwahi kuuchukua ujinga wakauweka kwenye vita ya Aziz na Chama waliwahi kuichukua miguu ya John Bocco wakaimwagia pombe mbele ya Mayele.

Wanachanganya sana tofauti kati ya kipaji na heshima na mbaya zaidi walianza kupenda aina fulani za pombe kabla ya kuipenda pombe yenyewe, ndio maana wale wanafalsafa wa mpira wa zamani walichagua heshima ya Chama kuliko kipaji cha Pacome sio kwasababu vichwa vyao vimejaa ugoro isipokuwa akili zao zimefika chini ya maji kabisa baharini.

Kama tutaacha vibuyu kupima ukweli, kama tutaacha taarabu na kisha tukachagua kutumia kioo cha mpira na hip hop kuwa mziki ambao ndio kipimo halisi cha kipaji cha Pacome na heshima ya Chama basi taswira ya ukweli itaakisi mbele ya kioo cha mjinga na mwerevu.

Najua wale watu wenye utapiamlo wa kiakili mtakuwa mmeelewa kwamba huu sio ushindani wa Chama na Pacome ni uhusiano kati ya heshima na kipaji.