Gabriele Cioffi
Klabu ya Hellas Verona imemtimua rasmi kocha wake Gabriele Cioffi baada ya kufungwa 2-1 Jumapili na Salernitana katika mchezo wao wa raundi ya 9 huku timu hiyo ikiwa na mwendelezo mbovu wa matokeo.
“Hellas Verona FC imetangaza kwamba imemwachilia Gabriele Cioffi kutoka jukumu la ukocha wa kikosi cha kwanza,” Gialloblu alisema katika taarifa rasmi. “Klabu inamshukuru Bw Cioffi na wafanyakazi wake kwa kazi yao.”
Cioffi alikuwa ameteuliwa msimu wa joto, akitia saini mkataba wa miaka miwili katika Stadio Bentegodi. Gialloblu wamekusanya pointi tano pekee katika mechi tisa za ufunguzi wa msimu huu. Wameshinda mechi moja, sare mbili na kupoteza sita, wakifunga mabao nane na kufungwa 17.
Beki huyo wa zamani aliona wachezaji bora wa msimu uliopita wakiondoka wakati wa kampeni ya uhamisho wa majira ya joto. Giovanni Simeone, Gianluca Caprari na Antonin Barak wote waliondoka kwenye klabu hiyo baada ya msimu mzuri chini ya Igor Tudor.
Hellas Verona pia walikuwa wamemtimua kocha wao Eusebio Di Francesco msimu uliopita baada ya mechi tatu za ufunguzi na Tudor aliiongoza timu hiyo kupitia moja ya kampeni bora zaidi za Serie A katika miaka ya hivi karibuni, na kuweka rekodi ya kufunga mabao mengi zaidi na klabu hiyo katika kampeni moja.
Diego Lopez yuko katika nafasi nzuri kuchukua nafasi ya Cioffi.
Kocha huyo wa zamani wa Udinese anakuwa mtaalamu wa nne wa Serie A kutimuliwa msimu huu baada ya Marco Giampaolo (Sampdoria), Sinisa Mihajlovic (Bologna) na Giovanni Stroppa (Monza).