Pierre-Emerick Aubameyang
Pierre-Emerick Aubameyang akiwa ndani ya chumba cha kubadilishia nguo cha Barcelona alionekana akishangilia ushindi wao dhidi ya Real Madrid kwenye El Clasico Jumapili usiku akitokea jijini London.
Aubameyang alijiunga na Chelsea kutoka Barca mwezi Septemba kwa kandarasi ya miaka miwili lakini amevumilia wakati mgumu akiwa na klabu hiyo ya England.
Hajacheza katika miezi ya hivi karibuni na alikuwa miongoni mwa wachezaji waliokatwa kwenye kikosi kwa ajili ya Ligi ya Mabingwa Ulaya kufuatia usajili wa wachezaji wapya ambao waliongezwa Januari.
Kwenye mchezo huo ambao Auba alikuwepo vijana wa Xavi Hernandez walitanguliwa kwa bao la kujifunga la Ronald Araujo kabla ya kusawazisha kupitia kwa Sergi Roberto.
Real walidhani walikuwa wameshinda wakati Marco Asensio alipogeuka na kufanya matokeo kuwa 2-1, lakini VAR ikaamua kuwa ameotea, dakika za lala salama na Franck Kessie aliifungia Barca bao la ushindi kwa kuunganisha kwa mguu krosi ya Alejandro Balde.
Barca sasa wako pointi 12 mbele ya Real walio kileleni mwa LaLiga na wako mbioni kutwaa taji hilo, wakiwa wameshinda mechi 22 kati ya 26 walizocheza chini ya Xavi msimu huu.
Ilikuwa ni tukio muhimu sana pale Camp Nou - na ambalo walishiriki na Aubameyang, ambaye ana uhusiano mzuri na klabu hiyo.
Aubameyang alifunga mabao 13 katika mechi 24 alizochezea Barcelona msimu uliopita baada ya kujiunga nao Januari kufuatia kuvunjika kwa uhusiano wake na Mikel Arteta katika klabu ya Arsenal.
Alionekana mwenye furaha katika klabu hiyo lakini alilazimika kuondoka na kujiunga na Chelsea majira ya joto kutokana na uhaba wa kifedha katika klabu hiyo ya Catalan, ambayo ilihitaji kupunguza gharama.